العيد هذا عندنـا حسـاب عيديـن
بيّـام عيـد وعيـد ثانـي مكنهـا
جمع الجماعة ينشـري بالملايـن
عيدٍ لنـا ماهـوب عيـد لوثنهـا
البارحة ليلـي غـدا تقـل ليليـن
بروابـعٍ طالـت عليـه ركنـهـا
سهرت ليلي ليـن مضيـت ثلثيـن
وأنا شمال وغرب وشرق ويمنهـا
أبدع تراحيب مـن يميـن ليميـن
اجمـع معانيهـا وانقـي سمنهـا
وبديت باللي كوّن الكـون تكويـن
وأرسى الجبال الراسيـات وّزنهـا
والكون كون لـه نظـام وقوانيـن
وعن اختلاف الكون بأمره ضمنهـا
اوجد جميع الخلق بحكمه وتقنيـن
فردٍ صمـد بالكـون يأمـر وينهـا
ومن عقب ذكر الرب عدل الموازين
منشي العباد ورادهـا فـي كفنهـا
سـلام ياربـعٍ علينـا عزيـزيـن
أزكـى الجواهـر بالتحيـة قرنهـا
مقرهم عندي على الراس والعيـن
ربعي هل الطوله وأنا فـرد منهـا
لو كان عنهم فـي ديـارٍ بعيديـن
نحـنّ للعـزوه وتربـة وطنـهـا
واليا دعا الداعي مع الحق وافيـن
إليا انزوى عن واجباتهـا عفنهـا
راعي سواليفٍ على مالـه ذهيـن
السالفـه إليـا قربـت لهـا ذهنهـا
هو يحسبن الناس ماهـم بداريـن
والناس تدري عن خفايـا أحفنهـا
من يدّعي بالطيـب بليـا براهيـن
تصيـر نفسـه بالمهونـه قرنهـا
افعل وتوحي العلم وسط الدواويـن
امّـا رفـع ذكـراك وإلا دفنـهـا
وتكرم عن الأنذال روس المسميـن
عوق السمين اللـي كثيـرٍ ثمنهـا
نطّاحة الواجب على العسر والليـن
فعل المراجـل سنـةٍ مـن سننهـا
الاسم واحـد والمراجـل عناويـن
تعرف نوادرهـا وتعـرف عدنهـا
يا
حفلنـا تـدوم بعـوام وسنـيـن
جعلـك لنـا دايـم لآخـر زمنهـا
حيثك جمعت اللي عـزازٍ وغاليـن
جمع بعض نـاسٍ برايـه طعنهـا
ولايطعن الجمعات غير المساكيـن
مرضى القلوب وغشها في بدنهـا
والا الجماعه اليا اجتمع رايهم زين
عزٍ لهم فـي سرهـا مـع علنهـا
السـر عـرفٍ للرفاقـه والادنيـن
والا العلن بعض القلـوب يغبنهـا
كلٍ يقولـه ليـت ربعـي مسويـن
بالهرج وأهل الفعل ماصـار منهـا
هو يحسبن الفعل بالهـرج تلحيـن
ويفوز فيهـا اللـي قـويٍ لحنهـا
والهرج يبغى له دليـل وبراهيـن
ماهـي علـومٍ باللسـان يعجنهـا
والسالفـه تبـي رجـالٍ مياميـن
ما هو الذي امّـا عرفهـا خمنهـا
تبـي رجـالٍ بالمواجيـب لازيـن
ماهم قراقـع شنـةٍ مـن شننهـا
مـن لادمـح زلاّت ربـعٍ مواليـن
تلقى ضعونه مفخته عـن ضعنهـا
الحق مايرضيكـم ان كنتـم اثنيـن
لكن تحمّـل نقصهـا فـي زمنهـا
ترى التسامح يالرجـال الحكيميـن
يربط شياطين البشر فـي رسنهـا
ولاخير في رجلٍ يعقـد الحجاجيـن
على الجماعه ليـن يكثـر حزنهـا
لابد مايندم ولـو هـو بعـد حيـن
ويفقـد رجـالٍ للمهمـه خزنـهـا
اليا بـدا الـلازم يجونـه ملبيـن
وكلٍ على الواجب جهـوده رهنهـا
ربعك هم حزامك إليا جا اللغى شين
إليا رقـص شيطانهـا وامتحنهـا
تحطهـم بنحـور قـومٍ معـاديـن
إلى اختلف ميـزان الايـام وانهـا
دور الصداقه بيـن كـل الفريقيـن
وتخـازرت بعيونهـا بمعطنـهـا
السيف لو انه بـيمنى الشجيعين
كبدٍ عليلـه ماجلـى الهـم عنهـا
دون الاصابع ماقضى للعرب ديـن
يبـي يميـنٍ تمسكـه فـي بننهـا
انطح بربعك موج الاحداث ويزيـن
وتركد على ظهر البواخر اشحنهـا
ربع الرجل مثل الحصون الحصينين
اللي إليـا منـه تضايـق زبنهـا
ان طاب حظه صار ربعه مديحيـن
شالـوا حمـولٍ ضايماتـه وزنهـا
وان باربه ماصفّن العشـر ثنتيـن
يشتـم نصيبـه والمعرفـه لعـنهـا
ورجلٍ بلا
ربـعٍ كسيـر الجناحيـن
يشـوف امـورٍ مايلـه ويهدنهـا
والناس في حاجة رجـالٍ فهيميـن
عنها تعالـج ماظهـر مـن فتنهـا
الجمع عز اركان حكـم السلاطيـن
والا التفـرق يستغـلـه خونـهـا
إليا صارت الجمعا رفاقه وصافيـن
يفخر بها اللي من جهوده حضنهـا
عساك يا جمـعٍ جمعـت المحبيــن
يجيرك الله مـن عواقـب شطنهـا
جعلك تدوم بنعمة الأمـن و
الديـن
بظل الرجال اللـي عزيـز معدنهـا
ربعٍ على جمع الجماعه حريصيـن
على الهدى والخير يـارب عنهـا
دافع وفاء ماهي مصالـح وتثميـن
اشغالهـم كـلٍ لربعـه سجنـهـا
ومني عدد ما يسكن الهند والصين
على اختلاف الوانها مـع ادينهـا
تحيـةٍ تخلـط
بعـطـر الرياحـيـن
يضفي على حفل الجماعـه مننهـا
وان كان قصرنا بالاهداف راجيـن
منكم سموحـه ماتفتـش اضغنهـا
ما كل رمـيٍ
يصيـب النياشـيـن
ولا
كل من جاب السوالـف تكنهـا
مافيه معصومٍ عن الزين والشيـن
والنـاس كـلٍ مهنتـه يمتهنـهـا
وصلوا على خاتم جميـع النبييـن
اعداد حبات المطر مـن اغشنهـا
اللي سكن وسط المدينه إليا الحيـن
يوم اسمها يثرب نزلهـا وسكنهـا
|
